Од Министерството за внатрешни работи (МВР) информираа дека 70-годишна битолчанка е измамена за 20.000 евра, откако ѝ се јавиле да ѝ побараат пари за несреќен случај со ќерка ѝ.
„На 03.12.2025 во 10:19 часот во СВР Битола, 70-годишна битолчанка пријавила дека била измамена од едно лице за сума од 20.000 евра.
Според пријавеното, лицето ѝ се јавило и ја известило дека нејзината ќерка паднала по скали и ја искршило вилицата и ногата и дека требало да и се стават златни шипки.
Како што е пријавено, таа ги оставила парите на договореното место, а подоцна откако ѝ се јавила нејзината ќерка сфатила дека е измамена. Се преземаат мерки за расчистување на случајот,“ велат од МВР.
