На денешниот петти конгрес на ДУИ, Али Ахмети е реизбран за претседател на партијата.
За нов генерален секретар на ДУИ е избран досегашниот потпретседател на партијата, Арбер Адеми. Досегашниот генерален секретар Фатон Ахмети ќе биде еден од потпретседателите, заедно со Еркан Арифи, Арбана Пашоли и Арта Биљали-Зендели.
Бујар Османи останува потпретседател на партијата.
Поранешниот државен секретар во Министерството за животна средина и просторно планирање, Неби Реџепи ќе биде нов организациски секретар, а Арбеша Влаши секретар за еднакви можности
Ахмети, на денешниот Конгрес на партијата најави нов „Национален договор за напредок“ и побара целосен ветинг со меѓународен надзор за сите носители на јавни функции во последните 34 години.
Ахмети предложи и воведување на „извршен Бадентер“ при избор на Владата, примена на Бадентеровиот принцип во Уставниот суд и нова фаза на функционална и фискална децентрализација.
Фото/ДУИ
