Во Универзитетската клиника за гинекологија и акушерство во Скопје се реновирани повеќе простории, за што се потрошени над 34 милиони денари.
Од вкупната површина на Клиниката, се реновирани 2.000 метри квадратни, односно целото приземје кое го опфаќа влезниот хол, поликлиничкиот дел со амбуланти, HPV лабораторијата, биохемиската лабораторија, како и амбулантата за итни случаи.
Клиниката има и нова настрешница од 420 метри квадратни на платото на Клиниката.
Инвестицијата е реализирана целосно со средства на самата Клиника.
Во Клиниката досега се вложени 110 милиони денари.
Фото: МЗ/Влада
