Родителите на загинатите во пожарот во т.н. дискотека “Пулс“ на нов марш во Кочани вчера побараа почести рочишта за судскиот процес кој е во тек.
Тие посочија дека на стартот на судењето добиле ветување дека ќе има две рочишта неделно, дека нема да има одложувања од неоправдана причина на рочиштата и дека строго ќе се контролираат лекарските оправдувања.
Тие се сомневаат дека судењето се одолговлекува.
-Во месец јануари се одржа само едно рочиште. Во февруари досега се одржаа две, а до крајот на месецот е закажано уште едно – ако воопшто се одржи. И токму затоа прашуваме: каде е ветената динамика? Каде е најавеното темпо од две рочишта неделно?
Гледаме обвинети кои одеднаш, од здрави, стануваат ‘болни’ и доставуваат медицинска документација за која ние не знаеме дали е основана или не, рече меѓу друго во своето обраќање Александар Наунов, татко на починатата Надица.
Видео: Радио Кочани/фото: Игор Бансколиев
