Деновиве се обележуваше годишнината од трагедијата во Кочани, каде по пожар во т.н. дискотека „Пулс“ загинаа 63, а беа повредени над 200 лица, претежно млади.
Централното обележување беше во Кочани, град кој имаше најмногу жртви, а почит на различни начини, од заседувања дрвца до хуманитарни настани, се даде и во Штип, Струмица и Виница, од каде исто така имаше загинати. Настан имаше и во Тетово и Куманово.
ПОВРЗАНИ ВЕСТИ
(Видео) Почит за загинатите во Кочани и во Штип, Струмица и Виница
Во Скопје загинатите беа заборавени. Немаше никакви активности и настани. Ама кафулињата на 16. март, кобниот ден, беа преполни поради убавото време.
Не е првпат Скопје да не покаже почит за загинатите. Изминатава година родителите на загинатите двапати дојдоа да маршираат во Скопје. Првиот пат речиси никој од граѓаните во Скопје не им се придружи и не дојде да ги гушне, да им даде некаква утеха, а вториот пат се појавија и граѓани од градот, од кои поголемиот број беа всушност новинари.
ПОВРЗАНИ ВЕСТИ
Колку за споредба, лани редакцијата на еМагазин беше на протестот организиран на двегодишнината за жртвите од железничката несреќа кај Темпи, Грција, во Солун. Исто така претежно млади.
Буквално цел Солун беше на улица. Од студенти, средношколци, синдикати до наставници… Продавниците во централното подрачје беа затворени, а се протестираше и во повеќе од 100 градови низ земјата и дијаспората. Исто беше и годинава.
Почит се дава на улица, не на Фејсбук.
ПОВРЗАНИ ВЕСТИ
(Видео) 63 бели празни столчиња: Кочани им одава почит на загинатите во пожарот во „Пулс“
Времето нема да ги излечи раните, ќе има ли барем правда: Една година од трагедијата во Кочани
Фото: Игор Бансколиев
