Премиерот и лидер на ВМРО-ДПМНЕ, Христијан Мицкоски има најголема доверба кај граѓаните – 25,2%, покажува најновото истражување на МКД.мк и агенцијата Маркет вижн за рејтинзите на политичките партии и нивните лидери.
Втор е лидерот на ДУИ, Али Ахмети, по него следи лидерот на Левица, Димитар Апасиев, а лидерот на СДСМ, Венко Филипче е на петтото место.
Најмногу граѓани – 41,3% не веруваат во никој.
Истражувањето покажува дека ВМРО-ДПМНЕ има највисок рејтинг – 24%, следи коалицијата Вреди, а на трето место е СДСМ.
На прашањето за која политичка партија ќе гласате на следните избори, најголем процент од граѓаните одговориле дека нема да гласаат – 28,1%.
Анкетирањето било спроведено од 2 до 18. март со употреба на CATI метода – телефонско анкетирање со помош на компјутер, на примерок од 1.200 испитаници.
Примерокот е репрезентативен на ниво на Македонија според: регион, пол, возраст и етничка припадност, според податоците за резидентното население од пописот 2021 година.
Фото: Игор Бансколиев
