Вчера се затвори македонскиот сервис на Радио Слободна Европа на македонски јазик, кој работеше од 2001 година и важеше за една од најпрофесионалните редакции во Македонија.
ПОВРЗАНИ ВЕСТИ
Денеска се затвора македонскиот сервис на Радио Слободна Европа
Тимот на новинари од сервисот отвори нов медиум – Колегиум.мк.
-Колегиум.мк е создаден од тимот на македонскиот сервис на Радио Слободна Европа кој згасна на 31. март – не по свој избор. Но, мисијата за слободно и одговорно новинарство продолжува. Бидејќи тимот на Колегиум.мк верува во начелото дека јавноста има право не само на наслови, туку и на објаснување. Не само на изјави, туку и на контекст. Не само на кликови, туку и на одговорност.
Нашата работа се темели на три принципи: проверка на информациите, глас на граѓаните и независност од какви било центри на моќ, бидејќи за нас јавниот интерес е поважен од сè друго.
Свесни сме дека довербата во медиумите денес не се подразбира. Таа мора повторно да се гради – внимателно, чекор по чекор, велат од таму.
Редакцијата на еМагазин им посакува успех на колегите!
ПОВРЗАНИ ВЕСТИ
