Апелациониот суд Скопје ја укина првостепената пресуда со која поранешната директорка на Националната агенција за европски образовни програми и мобилност, Лидија Димова беше осудена на двегодишна казна затвор.
Во образложението се наведува дека „во пресудата не било јасно утврдено за кои конкретни дејствија обвинетата е прогласена виновна, а за кои е ослободена, што претставува сериозен пропуст во постапката.“
Со ова одлука на Апелација, предметот е вратен на повторно судење пред Основниот кривичен суд Скопје.
Во обвинението за Димова се вели дека со непрофесионално и негрижливо работење овозможила незаконита имотна корист на трети лица, со што е причинета штета од 2,818 илјади денари на европските фондови.
ПОВРЗАНИ ВЕСТИ
Лидија Димова осудена на две години затвор
Фото: Фејсбук/Димова
