Поранешниот министер за информатичко општество и администрација, Азир Алиу, денеска во македонското Собрание беше избран за нов министер за здравство.
За негов избор гласаа 65 пратеници, а „против“ беа 15.
Тој е предлог на владејачката коалиција „Вреди„ и доаѓа на местото на Арбен Тарвари, кој заедно со неговото крило во поделената Алијанса за Албанците ја напушти Владата и коалицијата „Вреди“ поради одлуката на престојните локални избори неговото крило да настапи самостојно.
Алиу е кадар на тоа крило, но одлучи да остане во коалицијата.
Тој е дипломиран електроинженер и доктор по информатички науки и е редовен професор на Факултетот за компјутерски науки и технологии при Универзитетот на ЈИЕ во Тетово.
ПОВРЗАНИ ВЕСТИ
Азир Алиу ќе биде нов министер за здравство, Албрим Хоџа нов заменик министер за земјоделство
Фото: Алиу/Фејсбук
