Од вечерва на полноќ бензините Еуросупер БС-95 и Еуросупер БС-98 поевтинуваат за половина денар, а дизелот поскапува за исто толку, одлучи денеска Регулаторната комисија за енергетика, водни услуги и услуги за управување со комунален отпад.
Бензинот Еуросупер БС-95 ќе се продава за 75 денари за литар, Еуросупер БС-98 за 77 денари за литар, а дизелот за 73 денари за литар.
Цената на Екстра лесното масло за домаќинство (ЕЛ-1) не се менува и останува 69,5 денари за литар.
За 0,756 денари се намалува и цената на Мазутот М-1 НС и сега ќе изнесува 34,865 денари за килограм.
Фото: Unsplash
