Од вечерва на полноќ за 1 денар се намалува цената на бензините Еуросупер БС-95 и Еуросупер БС-98, како и на Еуродизелот (Д-Е V), одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Со новата одлука бензинот Еуросупер БС-95 ќе се продава за 74 денари за литар, Еуросупер БС-98 за 76 денари, а дизелот за 70,50 денари за литар.
За 0,50 денари се намалува и цената на Екстра лесното масло за домаќинство на (ЕЛ-1) и тоа сега ќе се продава за 70,50 денари за литар.
Се намалува и цената на Мазутот М-1 НС за 0,746 денари и сега истата ќе изнесува 39,412 денари за килограм.
Фото: Унсплеш
