Велес вчера го зафати силно невреме, и градот беше еден од најпогодените од силни врнежи од дожд и град. За време на процесите, гром удри во производствениот погон на BioCosmos и предизвика пожар.
„За среќа, пожарот е под контрола и нема повредени. Дел од просториите на BioCosmos се оштетени и ќе бидат привремено надвор од употреба.
Сакаме јасно да нагласиме дека фабриката Mirana, која се наоѓа во истиот комплекс, не е зафатена од пожарот и производството таму продолжува нормално.
Во координација со надлежните служби работиме на проценка и санација на штетата за што побрзо враќање на BioCosmos во функција,“ велат од компанијата.
Фото: Unsplash
