Во интервју за телевизијата Алсат М, премиерот Христијан Мицкоски, прашан каде е бегалецот Артан Груби, кој е поранешен прв вицепремиер и министер за политички систем и односи помеѓу заедниците, одговори дека има индиции за сите бегалци, додавајќи дека некои лица се во регионот, а некои подалеку.
Премиерот кажа и дека потерницата за него е испратена и сега требало државите коишто биле наши партнери да дадат одговор каде е Груби.
-Кога станува збор за Артан Груби самиот тој или лицето кое што го придружувало или превезувало, тоа е почесен конзул на една држава, со возило со дипломатски таблици ја напуштило Македонија, и потоа тоа лице беше повикано на информативен разговор, рече тој, посочувајќи дека Груби “кукавички избегал“.
Шест месеци нема официјална информација каде е Груби.
ПОВРЗАНИ ВЕСТИ
Бегалецот Артан Груби се крие во Албанија?
Мајката на Артан Груби го брани, го гонеле како во комунизмот
Фото: Груби/Фејсбук
