Жител на Неготино му прајќал смртни закани преку анонимен Фејсбук профил на градоначалникот на Неготино, Горан Стојанов и на неговото семејство, обидувајќи се од градоначалникот присилно да земе 3.000 евра.
Основното јавно обвинителство Кавадарци отвори истражна постапка за него, а тој е осомничен за кривичните дела Изнуда и Загрозување на сигурноста.
Со заканите почнал на 2. септември и продолжил во периодот од 4 до 18. септември.
Во неколку наврати тој испратил пораки со смртни закани за градоначалникот и на официјалната електронска пошта на Општината.
-Бидејќи постојат опасност од бегство и можност осомничениот да го повтори делото, јавниот обвинител до судијата на претходна постапка доставил предлог за определување мерка притвор, велат од Обвинителството.
