Маж на возраст од 36 години вчера е пронајден починат во дом на негов другар во скопска Кисела Вода.
Станува збор за Б.П. од Скопје, а како што информираа од Секторот за внатрешни работи (СВР) Скопје, лекар од Итна медицинска помош констатирал смрт без видливи траги на насилство.
Неговото тело е дадено на обдукција.
Денеска, 20 минути по полноќ, пак е пријавено дека е пронајден починат 25-годишен маж, исто така од Скопје.
Неговото тело како што информираа од полицијата е пронајдено во напуштена куќа во Центар.
Се работи за Е.Р. од Скопје, а како што информираа од полицијата, лекар од Итната медицинска помош констатирал смрт без видливи траги на насилство.
Неговото тело е дадено на обдукција.
Фото: Унсплеш
