На првиот ден од официјалниот старт на проектот „Безбеден град“, направени се 500 прекршоци. Тоа е драстично намалување на бројката од 120.000 прекршоци кога системот беше пуштен за тестирање.
„Имаме значително намалување на бројката на сообраќајни прекршоци во споредба од пред два месеци кога започнавме со тест периодот. Имаме од прилика околу петстотини сообраќајни прекршоци коишто се констатирани од страна на паметните камери и сакам да укажам една огромна благодарност до македонските граѓани и совесните учесници во сообраќајот бидејќи Вие сте тие коишто овозможивте драстично да се намали бројката за два месеци, некаде од над 120.000 на 500 прекршоци. Вие сте тие којшто го намаливте бројот на повредени лица во сообраќајни незгодни некаде околу 35% на територија на СВР Скопје и Вие сте тие којшто го намаливте бројот на смртни случаи настанати во рамки на сообраќајни незгоди од 11 на 4.“, изјави министерот Панче Тошковски при посетата на компјутерскиот центар на „Безбеден град“ во СВР Скопје.
Фото/МВР
