Скопското јавно претпријатие Комунална хигиена со денови е во фокусот на јавноста откако сега веќе поранешниот директор Сабахадин Рустеми, заврши во затворски притвор. Тој е осомничен за загрозување на животната средина и природата со отпадни материи и си поднесе оставка.
ПОВРЗАНИ ВЕСТИ
Кој е Сабахадин Рустеми, директорот на Комунална хигиена, кој е приведен
Од Град Скопје вчера информираа дека градоначалничката Данела Арсовска за нов директор на претпријатието го именувала Александар Јовановски.
Кој е Јовановски
Јовановски веќе неколку години работи во Град Скопје, а на новата позиција доаѓа како инспектор во Секторот за инспекторат во Градот.
Претходно работел и во Секторот за локален економски развој на Град Скопје.
Има и повеќегодишно искуство во приватниот сектор во трговија како раководител на организациска единица.
Работел и во Здружение за заштита и унапредување на животната средина, како и на реализација на еколошки и општествено одговорни проекти.
Дипломирал менаџмент на Универзитетот „Гоце Делчев“ во Штип.
Поседува и меѓународен сертификат за Институционални пристапи за заштита на животната средина.
ПОВРЗАНИ ВЕСТИ
Кој се раководи со Комунална хигиена, која е во фокусот поради сметот во Скопје
Колку советници и помошници има директорот на Комунална хигиена кој поднесе оставка
Каков имот пријавил директорот на Комунална хигиена Рустеми, кој заврши во притвор
Фото: Град Скопје
