Израел синоќа го нападна Иран. Цел на нападот беа стотина нуклеарни и ракетни постројки низ земјата.
Таргет на израелската воена операција се и високи воени ирански лидери и нуклеарни научници.
Според иранските државни медиуми, убиен е командантот на Исламската револуционерна гарда, генерал Хосеин Салами, началникот на генералштабот, генерал Мохамад Багери, и најмалку уште еден висок генерал.
Потврдена е и смртта на шест водечки нуклеарни научници.
Иран најави силен одговор.
Израел прогласи вонредна состојба на национално ниво и го затвори својот воздушен простор, а Иран ги суспендираше летовите од меѓународниот аеродром во Техеран.
Израелските политички лидери се евакуирани на безбедна локација.
САД тврдат дека Израел дејствува сам, без нивна помош, а бројни светски лидери го осудија нападот на Израел и предупредија на ескалација во регионот.
ПОВРЗАНИ ВЕСТИ
Македонските државјани да не патуваат во Израел и Иран, апелира МНР
Фото: архива/Израелска армија/Фејсбук/видео: Х
