Под влијание на влажна и нестабилна воздушна маса, денеска и во вторник на повеќе места ќе биде нестабилно со пороен дожд и грмежи, информираа од Управата за хидрометеоролошки работи (УХМР).
Процесите ќе бидат поинтензивни особено денеска кога локално ќе бидат во форма на невреме со пообилен пороен дожд за кратко време (над 15мл/м2) силен ветер (над 60 км/ч) и изолирана појава на град.
Во Скопје времето ќе биде променливо облачно и нестабилно со пороен дожд и грмежи. Во делови од котлината ќе има појава на невреме со пообилен пороен дожд, силен ветер и појава на град.
Во случај на појава на електрични празнења, од УХМР препорачуваат на голема внимателност, да не се престојува на отворен простор и осамени дрвја.
Фото: Унсплеш
