Вчера во 17:31 часот во Секторот за внатрешни работи (СВР) Охрид било пријавено дека на базен во хотел во Охрид се почувствувал продорен мирис на хлор и зголемена пареа од базенот, по што четири лица добиле силна кашлица, информираа од полицијата.
Тие биле пренесени и задржани во Општата болница во Охрид и се надвор од животна опасност.
По преземените мерки е констатирано дека настанал технички проблем во системот за циркулација на водата, по што овластена фирма извршила замена на системот.
Се преземаат мерки за целосно расчистување и документирање на настанот, по што ќе следува соодветна пријава, велат од полицијата.
Фото: Unsplash
