Полицискиот службеник Р.Н., вработен во Регионалниот центар за гранични работи Исток заработи кривична пријава од Министерството за внатрешни работи (МВР), бидејќи издавал дозволи за привремен престој на странци кои биле закана за јавниот поредок, националната безбедност, јавното здравје и меѓународните односи на државата.
Како што информираа од МВР, тој е осомничен поради сомнение за несовесно работење во службата, а дозволи за престој им издал на седум вакви лица.
Тоа го направил во два наврати во декември 2024 година и во пет наврати во април 2025 година.
