Од вечерва на полноќ поскапуваат цените на Екстра лесното масло за домаќинство или нафтата за греење и на мазутот, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Цената на Екстра лесното масло за домаќинство се зголемува за половина денар и сега ќе се продава за 69,50 денари за литар. Цената на Мазутот М-1 НС пак се зголемува за 0,64 денари и сега ќе изнесува 37,591 денари за килограм.
Цената на бензинот Еуросупер-95 останува 95 – 75,50 денари за литар, на Еуросупер-98 – 77,50 денари, а на дизелот 69,50 денари за литар.
Фото: Унсплеш
