Како и што пишуваше еМагазин неодамна на македонскиот пазар влегува холандскиот малопродажен трговски ланец Spar.
Како што информираат од таму, првите маркети на Spar ќе бидат во Џевахир Мол и Interspar во комплексот Retail Fresh Store во Скопје.
Spar e присутен во повеќе од педесет земји ширум светот, а е препознатлив по својот модел кој ги комбинира глобалните стандарди со локалните потреби, создавајќи релевантно и прилагодено искуство за потрошувачите во секој пазар каде што е присутен.
Новите маркети во Скопје ќе понудат внимателно селектиран асортиман кој вклучува свежи производи, секојдневни потреби, интернационални брендови, како и сопствени Spar производи познати по нивниот квалитет и конкурентна цена, велат од таму.
-Посебен акцент е ставен и на локалните производители, со цел да се поддржи домашната економија и да се зголеми присуството на македонски производи на рафтовите, посочуваат од таму, подвлекувајќи дека влезот на брендот носи и нови можности за вработување, како и инвестирање во обуки и развој на кадарот, со цел подигнување на професионалните стандарди во малопродажниот сектор.
ПОВРЗАНИ ВЕСТИ
