Од вечерва на полноќ за 0,50 денар се намалуваат цените на бензините Еуросупер БС-95 и Еуросупер БС-98, на Еуродизелот (Д-Е V) и на Екстра лесното масло за домаќинство на (ЕЛ-1), соопшти Регулаторната комисија за енергетика, водни услуги и услуги за управување со комунален отпад (РЕК).
Со новата одлука бензинот Еуросупер БС-95 ќе се продава за 74,50 денари за литар, бензинот Еуросупер БС-98 за 76,50 денари за литар, а дизелот за 65 денари за литар.
Новата цена на маслото за горење е 67,50 денари за литар.
Цената на Мазутот М-1 НС пак се зголемува за 0,429 денари и сега ќе изнесува 37,862 денари за килограм.
Фото: Унсплеш
