Претседателот на Собранието Африм Гаши за денеска закажа итна седница за Измени на Изборниот законик, на која треба да се расправа за предлогот, независните кандидати место со потписи од 1 процент од вкупниот број запишани избирачи во една Изборна единица, да можат за избори да се кандидираат со 0,95 % од вкупнозапишаните во една Изборна единица.
Што ова ќе значи доколку овој предлог се изгласа?
„Предлогот им заштедува 1.142 потписи во споредба со од Уставен суд укинатото решение од 1%. Иако им „заштедува“, им „остануваат“ дури 21.611 потписи потребни да кандидираат кандидати во секоја од општините. Ако споредиме со старото законско решение од 2006-та, тоа се 6.761 потписи повеќе.
На ниво на цела држава, за секој 105-ти регистриран гласач, потребен е потпис за независна кандидатура. За партиите, на секои 2.275 гласачи, им е потребен член. Ова е 21 пати помалку фер за независните кандидати. Заклучок – не се предлага подобро законско решение.
За гласачите во 37 општини (во кои и Град Скопје), можноста да гласаат за независни кандидати е полоша во споредба праговите од старото законско решение од 2006-та година. Во бројки, тоа се 1.973.959 гласачи,“ пишува Миша Поповиќ од Институтот за демократија Социетас Цивилис.
ПОВРЗАНИ ВЕСТИ
Независните кандидати не треба да се заложници на партиските монополи, велат од ДОМ
