Каков имот пријавил екс заменик министерот Трајан Димковски, еден од осомничените за злоупотреби во Агенцијата за стокови резерви

Поранешниот министер и заменик министер за земјоделство, шумарство и водостопанство, Трајан Димковски, заедно со поранешен директор на Јавното претпријатие за берзанско работење „Агро Берза“, поранешен директор и поранешен раководител во Агенцијата за стоковни резерви и вешто лице, се осомничени за злоупотреба на службената положба и овластување.

ПОВРЗАНИ ВЕСТИ

Уапсен екс заменик министерот Трајан Димковски и уште четири лица: Детали од МВР

Според Основното јавно обвинителство тие иако биле должни да ја известат Владата за фактичката состојба во „Агро берза“, доставиле неточни податоци и информации за неоснован кусок на меркантилна пченица и јачмен во периодот од 2019 до 2021 година, со што е направена штета на буџетот за околу 780 илјади евра.

еМагазин разгледа каков имот пријавил Димковски кога во 2020 година стана заменик министер за земјоделство, шумарство и водостопанство, кој го имаме во архива.

ПОВРЗАНИ ВЕСТИ

Кој е Трајан Димковски, екс заменик министерот, кој е осомничен за злоупотреби во Агенцијата за стокови резерви

Каков имот пријавил

Пријавил куќа, која е подарок, од 161 метри квадратни, во Куманово, проценета на 2,7 милиони денари, објект исто во Куманово од 122 метри квадратни, проценет на 1 милион денари, исто така подарок.

Поседува две возила, Тојота Јарис и Хонда, а на име на родителите пријавил трактор.

Како подарок добил и земјиште во Куманово.

ПОВРЗАНИ ВЕСТИ

Екс заменикот министер Димковски и другите осомничени за злоупотреби во Агенцијата за стокови резерви останаа без пасоши