Бизнисменот Трифун Костовски, кој е поранешен градоначалник на Град Скопје, како и поранешен пратеник на СДСМ, најави враќање во политика.
Тој на својот Фејсбук профил најави дека ќе формира партија и ги повика граѓаните да му се приклучат.
-Ги повикувам сите искусни и неискусни мои сограѓани кои имаат желба Македонија да опстои како држава во која ќе создадеме иднина за нашите поколенија, да размислат и да се приклучат кон ваквата моја визија, напиша тој меѓу друго, посочувајќи дека не барал власт за него, туку можност за “освестување“ на државно ниво.
Реакциите за оваа најава во јавноста и на социјалните мрежи се различни.
Фото: Костовски/Фејсбук
