Александра Јанева објави нова песна „Како спиеш ти“, модерна поп-балада.
Авторскиот тим кој се потпишува зад овој проект се Лазар Цветкоски (музика и аранжман) и Луна Ристиќ (текст).
Тие се и главните соработници на претстојниот студиски албум на Јанева – „Сестро“.
Видеото, за кое е заслужен Даниел Јовески, е снимено во специфичен период за Александра – во четвртиот месец од нејзината бременост.
„Тој спокој кој го чувствував во себе се пренесе и на екранот. Сакав да прикажам сила и самоувереност, a тоа направи уште посилно да ја доживеам емоцијата на песната која еден ден ќе и ја прераскажувам на мојата идна ќерка“ изјави Јанева.
Пејачката неодамна покажа дека е во својата најдобра форма и на сцената, кога како гостинка на концертот на Влатко Лозановски Лозано ја воодушевија публиката со заедничката интерпретација на „Не те вадам од памет“.
