Грција од 12. октомври ќе ги применува новите правила за влез и излез од ЕУ

Соседна Грција, која е една од омилените дестинации за патување на македонските граѓани е подготвена да ги применува новите правила за влез и излез (ЕЕС) во Европската Унија (ЕУ) од 12. октомври.

Информацијата ја објави државната агенција МИА, повикувајќи се на потврда од надлежното Министерство за заштита на граѓаните на Грција.

А потврда МИА добила и од портпаролот на грчката Влада, Павлос Маринакис.

Од 12. октомври, земјата ќе интегрира 99 пунктови за пасошка контрола, на кои е инсталирана целата опрема што се однесува на ефикасното функционирање на системот за влез и излез, испратен е информативен материјал до сите управни тела и до ко-надлежните министерства и се извршени посети за да се потврди подготвеноста и соодветноста на објектите и опремата.

Новиот сустем за влез и излез во ЕУ, кој ќе се воведува постепено, првенствено значи дека ќе се воведува електронска евиденција на биометриски податоци – фотографија и отпечатоци од прсти, како и точни записи за датумите на влез и излез.

ПОВРЗАНИ ВЕСТИ

За што сè треба да се подготват патниците за новиот влез и излез од ЕУ кој ќе започне на 12. октомври: Детали од МВР

Фото: Влада