(Видео) “Не ставија рамо до рамо со обвинетите“, порачаа денеска родителите на загинатите во Кочани

Голем револт од досегашниот тек на судењето изразија денеска родителите на загинатите во пожарот во Кочани, на новиот марш во градот.

Во нивно име се обрати Александар Наунов, татко на загинатата Надица, кој меѓудругото укажа на тоа дека на истиот паркинг пред затворот во Идризово, каде се одржува судењето, без никаква организација или кордон, родителите ги ставиле рамо до рамо со обвинетите – паркирани едни до други, лице во лице.

-Како да сме еднакви страни во админстративен записник. За нас тоа беше понижување, рече Наунов.

Уште еднаш посочија дека нема да се откажат од битката за правда и дека нивниот гнев не е омраза, туку болка на родител што изгубил дете.

Следното рочиште е закажано за 2. декември.

ПОВРЗАНИ ВЕСТИ

Лица кои биле во „Пулс“, неколку месеци по трагедијата, пријавиле проблеми со дишење и други здравствени проблеми

Обвинетите за трагедијата во Кочани не се изјаснија за вина, нивните адвокати го нападнаа обвинението

Каков имот пријавил газдата на „Рубикон“, која ја обезбедуваше „Пулс“ во Кочани, чие обвинение се спои со главното

Фото: Игор Бансколиев/видео: Радио Кочани