Според Управата за хидрометеоролошки работи (УХМР) во вторник се очекува дестабилизација на времето со пороен дожд, грмежи и засилен ветер.
Во среда пак ќе дува засилен северен ветер, а температурите ќе се намалат за неколку степени.
Времето во Македонија и утре ќе биде сончево и многу топло, со мала до умерена облачност. Дневната температура ќе достигне до 39 степени.
Попладне на повеќе места ќе има услови за локална појава на пороен дожд и грмежи, а ќе дува слаб до умерен ветер од променлив правец. Минималната температура ќе се движи од 14 до 22 степени, а максималната од 33 до 39 степени.
Во Скопје ќе биде сончево и многу топло со мала до умерена облачност. Попладне во делови од котлината ќе има услови за изолирана појава на пороен дожд и грмежи. Температурата ќе се движи од 21 до 39 степени.
Сончево и многу топло време ќе има до понеделник, при што дневната температура тогаш насекаде ќе биде над 33 степени.
Фото: Игор Бансколиев
