Град Скопје информира дека поради извршување на градежни активности, односно поставување на завршен слој на коловозот во рамки на проектот булевар ,,Македонија“ – прва фаза, во недела, од раните утрински часови, ќе биде целосно затворен за сообраќај потегот од Стара Рампа во Кисела Вода до семафорите кај Црвениот Крст.
„Ги замолуваме сите учесници во сообраќајот за разбирање и трпение, како и за почитување на поставената сообраќајна сигнализација и користење на алтернативните сообраќајни правци, со цел безбедно и непречено одвивање на сообраќајот во градот.
Со реализацијата на оваа фаза од проектот се очекува значително подобрување на проточноста на сообраќајот, намалување на метежот и овозможување побезбедно движење по нов, современ коловоз.
Со целосната реализација на сите предвидени фази, Скопје ќе ја добие првата подземна сообраќајница, што претставува значаен чекор кон модернизација на сообраќајната инфраструктура во градот,“ се вели во соопштението.
ПОВРЗАНИ ВЕСТИ
Фото: МВР
