Нусрет Халити e новиот директор на Агенцијата за електронски комуникации (АЕК).
Тој доаѓа на местото на Јетон Акику.
Кој е Халити
Во неговата биографија стои дека е експерт за телекомуникации, мрежи и софтвер.
Основач е и извршен директор на “Bridge-Technology“ од Тетово.
“Нусрет Халити е експерт за телекомуникации и системска архитектура, со повеќе од две децении искуство во дизајн и имплементација на големи дигитални инфраструктури и екосистеми“, пишува во неговата биографија.
Образование
Магистер е по вградливи микрокомпјутерски системи и дипломиран инженер по електроника и телекомуникации на Факултетот за електротехника и информациски технологии при Универзитетот „Св. Кирил и Методиј“ во Скопје.
Професионално искуство
“Во текот на својата кариера има проектирано и имплементирано големи IP мрежи, VoIP архитектури,
безжични широкопојасни системи, сателитски инфраструктури, AAA платформи за автентикација и
дистрибуирани системи со висока достапност.
Неговото искуство опфаќа телекомуникациски оператори, корпоративни инфраструктури, embedded средини, проекти за поврзување и развој на софтверски системи“, стои во неговата биографија.
Како основач и извршен директор на “Bridge-Technology“, раководел со комплексни телекомуникациски и софтверски инженерски иницијативи кои интегрираат мрежни технологии, embedded системи, безбедност и автоматизација во стабилни и скалабилни технолошки екосистеми.
Тој е архитект и креатор на WellnessMetric – дигитална здравствена платформа инженерски изградена според телекомуникациски принципи, која поддржува Remote Patient Monitoring (RPM), Chronic Care Management (CCM) и Remote Therapeutic Monitoring (RTM) и која веќе неколку години успешно функционира во САД, стои во неговата биографија.
ПОВРЗАНИ ВЕСТИ
Нусрет Халити e нов директор на АЕК
Фото: Халити/Х
