73-годишен пациент со западнонилска треска е петта жртва на вирусот, информираше директорот на Клиниката за инфективни болести, Фадил Цана.
Пациентот бил од Ново Лисиче и од денот на приемот бил со тешка клиничка слика и многу сериозни придружни заболувања кои придонеле за неповолен исход.
„Пациентот беше 22 дена на Клиниката и од почетокот на приемот беше во многу тешка состојба. Беше сместен во Одделот за интензивно лекување и ставен на респираторна поддршка,“ истакна Цана.
Според директорот на Клиниката за инфективни болести, скоро секој ден по некој се хоспитализира и бројката е околу 20 до 21.
Фото/Unsplash
