Познати се кандидатите за избор на нов градоначалник на Општина Брвеница.
Таму на 18. октомври ќе се одржат вонредни локални избори, откако почина градоначалникот Јовица Илиевски.
Кандидат на ВМРО-ДПМНЕ е Стојанчо Радичевски, кој е претседател на Општинскиот комитет на партијата во Брвеница. Тој е магистер по граѓанско право, а дипломирал на Правниот факултет „Јустинијан Први“ во Скопје.
Кандидат на Вреди е Јакуп Хусеини. Тој е магистер по правни науки и работи како државен службеник во Општина Брвеница.
Кандидат на ДУИ е Аркин Јахији. Работи како државен советник за бесплатна правна помош во Министерството за правда. Дипломирал на Универзитетот на Југоисточна Европа во Тетово.
Кандидат на СДСМ е Јовица Радески. Работи во приватниот сектор, а е ветеринар по професија. Тој е актуелен советник и носител на советничката листа на СДСМ.
ПОВРЗАНИ ВЕСТИ
Кој беше Јовица Илиевски, градоначалникот на Општина Брвеница
На 58-годишна возраст почина Јовица Илиевски, градоначалникот на Општина Брвеница
Фото: Игор Бансколиев
