На Собранието на акционери на Алта банка АД Битола, кое се одржи вчера, е донесена одлука за назначување на нови членови на Надзорниот одбор (НО) на Банката, информираа од таму преку Македонската берза.
Нови членови на НО се: Давор Мацура, дипломиран економист, кој е сопственик на Алта груп ДОО Белград, Србија и индиректен краен сопственик на Алта банка АД Белград, Уна Сикимиќ, дипломиран економист, која е претседател на Управниот одбор (УО) на Алта банка Белград, Татјана Куљак, дипломиран економист, исто така член на УО на Алта банка Белград, Вељко М. Мијушковиќ, дипломиран економист и професор на Економскиот факултет при Универзитетот во Белград, кој е именуван за независен член и Горан Коевски, професор на Правниот факултет „Jустинијан Први“ при Универзитет „Св. Kирил и Методиј“ во Скопје, исто така именуван за независен член.
Тие доаѓаат на местото на Гордана Гацева, која беше претседател и независен член на НО, Борислав Атанасовски, член, Стевчо Јолаковски, член, Игор Камбовски, член и Антони Пешев, кој беше независен член.
ПОВРЗАНИ ВЕСТИ
Како работела лани Алта банка Битола
Државата веќе нема акции во Алта банка Битола, продадени акциите на Мијалков
