Вчера во Вашингтон започна новата сесија од стратешкиот дијалог помеѓу Македонија и САД, а од земјава на истиот присуствуваат неколку министри.
ПОВРЗАНИ ВЕСТИ
Кои министри се во Вашингтон: Нова сесија од стратешкиот дијалог помеѓу Македонија и САД
Прашан за темите кои ќе бидат на маса, премиерот Христијан Мицкоски, меѓу друго рече дека една од најзначајните вести од дијалогот е промоцијата на голема инвестиција во рударскиот сектор во Македонија.
Станува збор за експлоатација на реткиот металоид антимон, кој се нарекува и „злато на новото време“, а кој според него ќе се ископува од приватен инвеститор во близина на кривопаланечкото село Луке.
Тој рече дека истражувањата на терен биле при крај и наскоро очекува да почнат ископувањата на рудата, која ќе се извезувала во САД.
-Од инвеститорите ја добив информацијата дека топилницата би се градела во Оклахома (сојузна дражава во САД, н.з.). Со тоа се добива еден заокружен циклус. Ова е нешто што е многу важно за македонската економија и за нас како граѓани, рече тој.
Во 60-тите и 70-тите години од минатиот век се копало и преработувало антимон во рудникот Крстов Дол, кој се наоѓаат на околу 20 километри од Крива Паланка.
ПОВРЗАНИ ВЕСТИ
Фото: Унсплеш
