Од вечерва на полноќ цената на Еуродизелот (Д-Е V) се зголемува за два денара по литар, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Со новата одлука цената на дизелот ќе биде 71 денар за литар.
Цената на бензините Еуросупер БС-95 и Еуросупер БС-98, остануваат исти. Бензинот Еуросупер БС-95 и понатаму ќе се продава за 73,5 денари, а Еуросупер БС-98, за 75,5 денари за литар.
За два денари се зголемува и цената на Екстра лесното масло за домаќинство (ЕЛ-1) и тоа сега ќе се продава за 70 денари за литар.
Цената на Мазутот М-1 НС, останува иста, 34,520 денари за килограм.
Фото: Унсплеш
