Истакнатиот индиски лидер Махатма Ганди кој применувајќи ненасилна граѓанска непослушност и донесе на Индија независност и кој поттикна движења за граѓански права и слободи низ светот, доби биста во Музејот на Град Скопје.
Истата денеска ја открија македонската претседателка Гордана Сиљановска Давкова, нејзината индиска колешка, која е во посета на Македонија, Друпади Мурму и градоначалникот на Скопје, Орце Ѓорѓиевски.
Истата е подарок од Индија.
-Махатма Ганди, како апостол на ненасилството, остави универзално наследство што ги надминува националните граници, инспирирајќи генерации борци за слобода, правда и човеково достоинство.
Нема посоодветен дом за бистата на таткото на современа Индија од родното место на Мајка Тереза, како траен симбол на заедничките хуманистички вредности што ги поврзуваат македонскиот и индискиот народ.
Оваа биста е израз на заемна почит и долгогодишно пријателство меѓу двете држави, информираа од Кабинетот на претседателката.
Фото: Кабинет на претседателката
