Моментално во Македонија се хоспитализирани седум пациенти со западно-нилска треска, а двајца од нив се во критична состојба и се на механичка вентилација.
Тие се сместени на ЈЗУ Универзитетска Клиника за инфективни болести и фебрилни состојби.
Информацијата денеска ја соопшти директорот на Клиниката, д-р Фадил Цана.
Лицата кои се во критична состојба се на возраст од 76 и 66 години. Се лекуваат на Одделот за интензивна нега.
Останати се постари од 60 години и имаат повеќе коморбидитети. Тие се во стабилна состојба и се лекуваат според современите медицински протоколи.
Сите седум хоспитализирани лица се од скопски населби, а само еден од нив неодамна престојувал во Грција.
Уште три лица од Скопје се примени со дијагноза акутно воспаление на мозокот и мозочната обвивка. Се чекаат лабораториски резултати од Институтот за јавно здравје за да се утврди дали се заразени со вирусот.
ПОВРЗАНИ ВЕСТИ
Како се пренесува и кои се симптоми на западно-нилска треска
Цана предупреди дека кај пациентите со западно-нилска треска може да дојде до нагло влошување на здравствената состојба, поради што е неопходна хоспитализација и постојан медицински надзор.
За ова вирусно заболување не постои специфична терапија, туку лекувањето е насочено кон ублажување на симптомите и обезбедување поддршка на виталните функции, согласно светските медицински протоколи.
ПОВРЗАНИ ВЕСТИ
Фото: МЗ
