Редовниот професор на катедрата по римско право на Правниот факултет „Јустинијан Први“ при Универзитетот „Свети Кирил и Методиј“ во Скопје, Гоце Наумовски, во македонското Собрание е избран за нов уставен судија.
За негов избор “за“ гласаа 63 пратеници, а седум беа „против“.
Беше предложен од страна на претседателот на собраниската Комисија за прашања за изборите и именувањата, Ѓорѓија Сајкоски, пратеник од ВМРО-ДПМНЕ.
Тој е и еден од надворешните соработници за право на премиерот Христијан Мицкоски и е брат на поранешниот вицепрeмиер за евроинтеграции, Васко Нуамовски.
Неговиот избор следи откако Јадранка Дабовиќ Анастасовска од лични причини во декември лани поднесе оставка.
ПОВРЗАНИ ВЕСТИ
Кој е Гоце Наумовски, кој е избран за уставен судија
Фото: Уставен суд
