Од вечерва на полноќ за еден денар се намалува цената на дизелот и Екстра лесното масло (масло за горење), одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Новата цена на дизелот ќе биде 67 денари за литар, а на маслото за горење, 66,5 денари за литар.
Цената на бензините Еуросупер БС-95 и Еуросупер БС-98, останува истата и тие ќе се продаваат за 73, односно 75 денари за литар.
Се намалува и цената на мазутот за 0,614 денари и сега ќе се продава за 36,047 денари за килограм.
Фото: Унсплеш
