Докторот Нико Беќаровски на својот Фејсбук профил сподели совети за исхрана и физички активност за мажи над 50 години.
-Голем број на мажи кога ќе ја надминат оваа старосна бариера, веќе на првите систематски прегледи покрај “потенцираното меше” се шокираат од замастениот црн дроб, високото ниво на cortisol, намаленото ниво на testosteron, инсулинската резистенција, итн..
Голем дел веднаш посегнуваат по лекови и суплементи.
Мал број, ги менуваат животните навики и постигнуваат одлични резултати.
Исхраната е еден од клучните фактори, пред се доволен внес на белковини и максимална редукција на шеќери.
За да го супримирате еден од двата хормона за глад (Grelin) дневно треба да внесувате 1,2 до 1,5 гр./на кг. телесна тежина чисти протеини или околу 100 до 150 грама.
Диетите со екстремно низок калориски внес на оваа возраст, драстично го покачуваат кортизолот, намалуваат тестостеронот, и мускулната маса.
Временскиот прозорец на јадење кај помалку виталните треба да е 10-12 часа, а кај повиталните може да е до 8-10 часа.
Препорачани производи, јајца, печурки, риби, живина, говедско месо, чорби без запршка, семки, јаткасти плодови, мелено ленено семе и чија, кисело млеко, зеленчук, /умерено консумирање на: грав, боранија, леќа, грашок, интегрален ориз, малини, капини, рибизли, зелено јаболко.
Максимално избегнувајте пецива, тестенини, грицки, колачи и торти, алкохол, грозје, сушено овошје.
Препорачана физичка активност е пешачење 30-45 минути по рамен терен, без интензивни кардио тренинзи и мускулни оптоварувања.
Ако преку храната не обезбедувате доволно цинк магнезиум и Д витамин, суплементацијата е алтернатива.
Внесувајте 2 литри вода, максимално едно кафе дневно (никогаш на празен стомак), 1 зелен чај, чај од ашваганда, пишува тој.
Фото: Унсплеш
