На судењето за „Пулс“ презентирани докази за сопственоста, имотот, правната и фактичката историја на т.н. дискотека

На денешното рочиште за пожарот во т.н. дискотека во Кочани, Основното јавно обвинителство презентираше докази за сопственоста, имотот, правната и фактичката историја на „Пулс“.

Исто така беа презентирани и 19 записници од инспекциски увиди во кафе барот „Класик“, каде управител бил Митко Стојанов, а како што е познато и позади овој бар стои првообвинетиот Дејан Јованов Деко.

Меѓу друго за „Пулс“ беа презентирани документ и одобрение за градба издадени од Министерство за урбанизам и градежништво, документи од Гроздан Милковски, сопственик на имотот и објект каде се наоѓала и функционирала т.н. дискотеката, документација за легализација на безправна градба на дел од објектот, како и документација за легализација на дивоградба – доградба на објектот направена подоцна без соодветна документација.

ПОВРЗАНИ ВЕСТИ

„Пулс“ бил обложен со лесно запаливи материјали, гостите неможеле да излезат од објектот поради заклучена врата и решетки на прозорците

Најголем дел од загинатите во „Пулс“ починале од задушување со јаглерод моноксидИнспекторите на ДПИ не направиле пропусти во надзорот на „Пулс“, тврди нивната одбрана

Меѓу повредените и 20 деца: 157 лица по пожарот во „Пулс“ биле со тешки телесни повреди

Фото: Игор Бансколиев