На 61 годишна возраст по долго боледување почина новинарката и поранешната уредничка во повеќе медиуми, Гордана Дувњак.
Покриваше теми од областа на правото и политиката, а важеше за една од најреномираните професионалци во новинарството.
Кариерата ја започна во 1988 година во Македонската радио телевизија, работеше и во весникот Нова Македонија, беше уредник во весникот Утрински весник, па во порталот Макфакс работеше како новинар, во телевизијата 1ТВ беше новинар и уредник, а работеше и во весникот Фокус.
Потоа извесно време беше портпарол во Судскиот совет.
Дипломирала на Факултетот за новинарство при Универзитетот „Свети Кирил и Методиј“ во Скопје.
Погребот ќе се одржи утре од 11 часот на гробиштата Бутел во Скопје.
Фото: 1ТВ
