Македонската претседателка Гордана Сиљановска Давкова, вчера по повод празникот Илинден, помилува осум осуденици.
Четири лица со одлуката се целосно ослободени од понатамошно издржување на затворската казна: Раде Здравко Јовановиќ од селото Криволак, Општина Неготино, Алберт Тарзан Алиевски од Кавадарци, Николче Љубе Костадиновски од Куманово и Зејадин Сали Мифтари од селото Черкезе.
Четворица пак добија делумно помилување, односно намалување на затворската казна: Емир Надир Јонузи од селото Слатино, Тетово, за три месеци, Коле Петре Талевски од Битола за три месеци, Чушков Јордан Сашо од Велес за три месеци и Исмаили Џелал Јетмире од Гостивар за за шест месеци.
Одлуката стапува на сила кога ќе биде објавена во Службен весник.
Фото: Влада
