По подолг период САД воведе санкции за Русија за да изврши притисок земјата да ја заврши војната во Украина. Истите се однесуваат на руските нафтени компании „Роснефт“ и „Лукоил“.
Истовремено американскиот претседател Доналд Трамп ја откажа средбата со неговиот руски колега Владимир Путин, за која ниту имаше конкретен датум, а се најавуваше дека ќе се случи во Будимпешта, САД.
Трамп, остави простор за средба во иднина, а во образложението за откажувањето меѓудругото рече дека секогаш кога зборува со Путин имал добар разговор, но истиот не водел никаде и дека не се согласувал со неговиот предлог борбите да запрат на сегашната линија на фронтот.
По откажувањето на средбата и воведувањето на американските санкции, Путин нареди вежби на стратешките нуклеарни сили на земјата, кои вклучуваат и лансирање проектили.
Кремљ соопшти дека вежбите ги опфаќаат сите делови од нуклеарната тријада на Москва, па од полигонот во Плесецк во северозападна Русија била лансирана интерконтинентална балистичка ракета „јарс“, а од подморница во Баренцовото Море била испукана интерконтинентална балистичка ракета „синева“.
Во вежбите учествуваат и стратешки бомбардери „ту-95“, кои истрелале крстосувачки ракети со долг дострел.
Нов, 19. пакет акции за Русија одобри и Европската унија.
Фото: Руско Министерство за одбрана
