еМагазин
Image default
Спорт

Финансиска и логистичка поддршка за македонскиот олимписки спорт од меѓународните олимписки организации

Македонскиот спорт ќе добие поддршка во спортска техника и опрема од различни меѓународни спортски федерации со цел што поуспешна организација на Европските младински олимписки игри што треба да се одржат во Скопје во 2025 година.

Покрај техниката и опремата, Македонскиот олимписки комитет (МОК) ќе добие и дополнителна финансиска и логистичка поддршка за реализација на амбициозните планови и програми насочени кон остварување успешни резултати на македонските спортисти, информираат од таму.

Ова е резултат на работните средби што ги остварија претседателот на МОК, Даниел Димевски и генералниот секретар на МОК, Сашо Поповски во рамки на 53. Генерално собрание на Европските олимписки комитети (ЕОК) што се одржува во Букурешт, Романија.

Димевски и Поповски на ова собрание добија силни ветувања за финансиска и логистичка поддршка од претседателот на Меѓународниот олимписки комитет (ИОК), Томас Бах и претседателот на ЕОК, Спирос Капралос.

На разговорите со Бах и Капралос особено се истакнува посветеноста и безусловната поддршка и доверба на врвот на ИОК и ЕОК во однос на последните случувања поврзани со Македонскиот олимписки комитет, при што беше ставен силен акцент на заедничките напори за изработка на нов Закон за спорт кој конечно ќе биде усогласен со Олимписката повелба на ИОК.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Најдобрите моменти: Новак Ѓоковиќ во „трилер“ натпревар по 8. пат го освои „Австралија опен“

Редакција

По осумчасовна голгота на аеродром, Австралија не му издаде виза на Ѓоковиќ – денеска судење по жалбата

Редакција

(Фото) Шампионите во хокеј порачуваат: На Македонија ѝ треба арена за овој спорт

Редакција