Нашите погледи кон соседите се изградени во еден претходен систем и тие биле антибугарски, антиалбански, антигрчки. Сега кога влегуваме во друг сојуз не можете со истите очила да го гледате светот. Сега погледот кон соседите треба да се создаде во Скопје, вели министерот Бујар Османи во интервју за Радио Слободна Европа.
„За мене проблемот е тоа што е дефинирано во Договорот за добрососедство. Секое излегување од договорот го прави проблемот конфузен, неразбирлив и од тука и констатацијата на премиерот, очигледно чувството е дека се излегува од потпишаната рамка и тоа создава конфузија, бидејќи не е во рамката.
Само рамката го објаснува погледот и затоа сметам дека единствено решение, единствена формула е да се вратиме на начелото на договорот, но да најдеме механизми како да го направиме побрз, подинамичен за да создаде резултати,“ вели Османи меѓудругото во интервјуто.
Фото: Влада