При посетата на земјава, претседателката на Европската комисија Урсула Фон Ден Лајен, во нејзиното обраќање направи лапсус и рече „северномакедонскиот народ“, а тоа беше единственото нешто на кое вие се задржавте од таа посета, изјави денеска евроамбасадорот Дејвид Гир.
Одговарајќи на новинарски прашања на почетокот на изградбата на железничкиот дел од Коридорот 8 во Куманово, Гир истакна дека Фон Дер Лајен покажала огромна поддршка за Македонија и оти не ја посетила земјава со „празни раце“. Потсети на Договорот со Фронтекс и паричната помош за справување со енергетската криза.
– Ова е трета посета на претседателката во една година, што е исклучително, со што мислам дека таа демонстираше огромна лична посветеност и посветеност на Комисијата за европскиот пат на земјава, посочи Гир.
ПОВРЗАНИ ВЕСТИ
Тоа што Фон дер Лајен не нарече „северномакедонци“ било лапсус, вели Османи
МИА/Фото: МИА